ថៃ ៖ ទោះបីចាប់ដៃគ្នាសាងស្នេហាអស់រយៈជាង ៨ ឆ្នាំ មក ឃើញថាស្នេហារបស់តារាសម្តែងថៃនាង Pancake និងលោក Mee Saksoonthorn ហាក់មិនទាន់លេចលឺដំណឹងរៀបការទាល់តែសោះ ប៉ុន្តែអ្នកទាំងពីរតែងតែបង្ហាញភាពផ្អែមល្អែមជាមួយគ្នាជារឿយ នៅលើគណនីអុិនស្រ្តាក្រាម ។
ហើយកាលពីពេលថ្មីៗនេះ គូស្នេហ៍មួយគូនេះបានដឹកដៃគ្នាទៅដំណើរកំសាន្ត ព្រមទាំងបង្ហោះរូបថត ហុចផ្កាមួយបាច់ និងញញឹមដាក់គ្នាយ៉ាងស្រស់ស្អាតយ៉ាងចឹង ។ នៅក្នុងនោះផងដែរ នាង Pancake បានភ្ជាប់មកជាមួយនិងចំណងជើងថា អរគុណ Mee Saksoonthorn ហើយក៏អរគុណទាំងអស់គ្នាផងដែរ ។
ជាមួយនិងពាក្យពេជន៍ព្រមទាំងរូបថតដែលបានបង្ហោះនេះ មានហ្វេនជាច្រើនសន្មត់ថា លោក Mee Saksoonthorn បានសុំនាង Pancake រៀបការ ប៉ុន្តែយើងនៅមិនទាន់បានទទួលព័ត៌មានជាក់លាក់ពីសមីខ្លួននៅឡើយនោះទេ ៕
ប្រែសម្រួល ៖ គន្ធា
ប្រភព ៖ sanook