ស្ទើរតែមិនគួរអោយជឿ ៖ ស្រ្តីជាម្តាយជនជាតិអង់គ្លេសម្នាក់ បានផ្តល់កំណើតដល់ទារិការបស់ខ្លួន ដែលមានទម្ងន់ដល់ទៅជាង ៦ គ.ក តាមបែបធម្មជាតិ នៅឯប្រទេសអេស៉្បាញនេះបើយោងតាមការដកស្រង់អត្ថបទផ្សាយ ពីទីភ្នាក់ងារសារព័ត៌មានបរទេស ដឹមីរ័រ ។
គួររំឭកផងដែរថា ស្រ្តីជាម្តាយជនជាតិអង់គ្លេសម្នាក់នោះ មានឈ្មោះថា Maxime Marinបានក្លាយជាបេក្ខភាព ដែលបានផ្តល់កំណើតដល់ទារិកាគីឡូធ្ងន់ តាមបែបធម្មជាតិស្ទើរតែមិនធ្លាប់មាននៅប្រទេសអេស៉្បាញ។
ករណីកើតកូនតាមបែបធម្មជាតិ ដោយមិនមានការវះកាត់យកចេញនេះ ត្រូវបានកើតឡើងនៅឯមន្ទីរពេទ្យមួយកន្លែង ក្នុងក្រុង Denia ។ យ៉ាងណាមិញ បើយោងតាមការដកស្រង់សម្តីវេជ្ជបណ្ឌិត Javier Rius ជាអ្នកបង្កើតទារិកាគីឡូធ្ងន់មួយនេះ អោយដឹងថាជាមួយនឹងបទពិសោធន៍ការងារជាពេទ្យឆ្មប និងជំនាញរោគស្រ្តី ជាង ៤០ ឆ្នាំមកនេះ នេះជាលើកដំបូងហើយ ដែលខ្ញុំបានបង្កើតទារិកាគីឡូធ្ងន់ ដល់ទៅជាង ៦ គ.ក បែបនេះ តាមបែបធម្មជាតិ ដោយមិនមានការវះកាត់។
ដោយឡែក ប្រភពសារព័ត៌មានដដែលបន្ថែមថា ស្រ្តីជាម្តាយ និងទារិកាគីឡូធ្ងន់រូបនោះមកទល់នឹងខណៈនេះ ទាំងពីរនាក់ទទួលបាននូវសុខសុវត្ថិភាព ក៏ដូចជា សុខភាពល្អហើយ៕
ដោយ ៖ ពិសីប្រភព ៖ ដឹមីរ័រ