សម្រេចចិត្តស្រាត ឈរទិញសំបុត្ររថភ្លើង ត្រូវនគរបាលចាប់ខ្លួន

បុរសអាក្រាតកាយខាងលើនេះ បានបង្ហាញខ្លួននៅកន្លែងលក់សំបុត្ររថភ្លើង Song Tu ក្នុងក្រុង Wenzhou ប្រទេសចិន កាលពីថ្ងៃទី​៧មករាកន្លងទៅ។ ដោយមិនខ្លាចធាតុអាកាសដែលកំពុងត្រជាក់ បុរសនេះ បានធ្វើឱ្យគេមានការភ្ញាក់ផ្អើលយ៉ាងខ្លាំង ព្រមទាំងអាចធ្វើឱ្យនារីមួយចំនួនដែលកំពុងឈររង់ចាំទិញសំបុត្រ ត្រូវបង្ខំចិត្តចាកចេញពីកន្លែង នៅពេលបុរសនេះ បានបង្ហាញខ្លួនដោយអាក្រាតកាយទាំងស្រុង។មិនយូរប៉ុន្មាន បុរសដែលមិនមានការខ្មាសអៀនម្នាក់នេះ ក៏ត្រូវបានក្រុមនគរបាលមកចាប់ខ្លួន យកទៅទីស្នាក់ការ ដើម្បីធ្វើការសាកសួរ។ រូបភាពនៃបុរសអាក្រាតកាយនេះត្រូវបានគេបង្ហោះ និងចែករំលែក ជាបន្ដបន្ទាប់ នៅលើអ៊ីនធើរណិត   ដោយមានមតិជាច្រើន ដូចជាថា ៖   នេះប្រហែលជាពិបាកទិញសំបុត្រខ្លាំងពេក ទើបគាត់ស្រាតដើម្បីដេញមនុស្សដែលកំពុងរង់ចាំទិញសំបុត្រនៅក្បែរគាត់ ។   រីឯអ្នកខ្លះនិយាយថា ៖    ជិតដល់ចូលឆ្នាំចិនហើយ ការទិញសំបុត្ររថភ្លើងពិតជាមានការលំបាក ធ្វើបែបនេះទើបឆាប់ទិញបានសំបុត្រ។ល។

ដោយ ៖ សីហាប្រភព ៖ k14