តើលោកអ្នកនៅចងចាំ ព្រឹត្តិការណ៍គ្រោះធម្មជាតិដ៏រន្ធត់មួយកាលពីឆ្នាំ 2004 ដែរឬទេ?ជាការពិតណាស់ បើនិយាយពីគ្រោះធម្មជាតិមួយនេះ នរណាក៏នៅចងចាំដែរ ពោលវាគឺជាសោកនាដកម្មដ៏អាក្រក់បំផុត ក្នុងរយៈពេល 40 ឆ្នាំចុងក្រោយនេះ ដែលមានឈ្មោះថាស៊ូណាមិ នឹងបានកើតឡើងនៅក្នុងមហាសមុទ្រឥណ្ឌាដែលបានធ្វើអោយ 11 ប្រទេសបានរងផលប៉ះពាល់ ក្នុងនោះ ភាគច្រើនប្រទេសនៅក្នុងតំបន់ អាស៊ីអាគ្នេយ៍ នឹងបានធ្វើអោយមនុស្សស្លាប់បាត់បង់ជីវិតប្រមាណជាង 230,000 នាក់ ។
គូរបញ្ជាក់ផងដែរថា មកទល់នឹងពេលនេះ ខ្សែភាពយន្តថ្មីមួយដែលមានចំណងជើងថា The Imp-ossible កំពុងតែចាប់ផ្តើមដំណើរការថត ដែលនៅក្នុងខ្សែភាពយន្តនេះនិយាយអំពី សោកនាដកម្មគ្រោះធម្មជាតិអាក្រក់បំផុត ស៊ូណាមិ កាលពីអំឡុងឆ្នាំ 2004 ។
មិនត្រឹមតែប៉ុណ្ណោះ បើតាមរបាយការណ៍ បានអោយដឹងថា ក៏មានការចូលរួមសម្តែងពី លោក McGregor ដែលជាតារាសម្តែងប្រុសជនជាតិស្កត់លែន ដើរតួក្នុងរឿងនោះ មានឈ្មោះថា លោក Henry ។ នៅក្នុងខ្សែភាពយន្តមួយនេះ លោក Henry គឺជាស្វាមី ក៏ដូចជាឪពុករបស់ក្រុមគ្រួសារមួយ ។ Henry បានខិតខំប្រឹងប្រែងក្នុងការដើរស្វែងរកភរិយា ក៏ដូចជា កូនៗដែលបានបាត់ខ្លួន បន្ទាប់ពីមានគ្រោះធម្មជាតិ ស៊ូណាមិ នោះមក។
គួររំឮកផងដែរថា ដំណើរស្វែងរក លោក Henry ក្នុងការដើរស្វែងរកក្រុមគ្រួសាររបស់ខ្លួន នៅក្នុងខ្សែភាពយន្តមួយនេះ វាក៏ជាដំណើររឿងពិតរបស់ក្រុមគ្រួសារមួយ បានកើតឡើងផ្ទាល់ផងដែរ បន្ទាប់ពីមានសោកនាដកម្មគ្រោះធម្មជាតិដ៏អាក្រក់នេះដែលបានកើតឡើង កាលពីថ្ងៃទី 26 ធ្នូ ឆ្នាំ 2004 ។ ដើម្បីអោយជ្រាបកាន់តែច្បាស់ សូមទស្សនា Trailerនៃខ្សែភាពយន្ត ដែលមាននៅខាងក្រោមនេះ បន្តិចទៅ ៖
ដោយ ៖ ពិសីប្រភព ៖ Dailymail