ជាការពិតណាស់នៅលើពិភពលោក យើងសព្វថ្ងៃនេះ រឿងចម្លែកៗតែងកើតមានឡើងជារឿយៗ ដោយឡែក នាពេលនេះ ទំព័រ Camnews សូមនាំមកជូនលោកអ្នកនូវព័ត៌មានមួយ ដែលនិយាយអំពីក្មេងប្រុសវ័យទើបតែ ៤ ឆ្នាំម្នាក់ ដែលគេមានសមត្ថភាពពិសេស ជាងមនុស្សពេញវ័យទៅទៀត។
ក្មេងប្រុសនេះមានឈ្មោះថា Kyler Lim ទើបតែមានអាយុ ៤ ឆ្នាំប៉ុណ្ណោះ ប៉ុន្តែគេមានសមត្ថភាពពិសេសអាចអានអក្សរហើយចាំពាក្យទាំងនោះ។ នេះបើយោងតាមប្រភពគេហទំព័រ Asiaone ចេញផ្សាយថ្ងៃទី១១ កក្កដា កន្លងមក ។ ប្រភពបន្តថា នៅពេល Kyler មានអាយុ ១៨ ខែ ឪពុកម្តាយរបស់គេភ្ញាក់ផ្អើលយ៉ាងខ្លាំង ពេលឃើញគេកំពុងអានទស្សនាវដ្តីមួយ នៅក្នុងបន្ទប់ទទួលភ្ញៀវដោយបញ្ចេញសំឡេងខ្លាំងៗ ។
ស្ថិតក្នុងភាពស្រឡាំងកាំងនូវអ្វីដែលពួកគាត់បានឃើញនាពេលនោះ លោក Steve Lim និងអ្នកស្រី Felicia បានបញ្ជូន Kyler ទៅប្រឡងសំនួរ IQ (ធ្វើតេស្តពីភាពឈ្លាសវៃ) ហើយលទ្ធផលគេបានពិន្ទុដល់ទៅ ១៤០ ពិន្ទុ ខណៈពិន្ទុគិតជាមធ្យមសម្រាប់ប្រឡងសំនួរពីភាពឈ្លាសវៃរបស់ មនុស្សពេញវ័យនៅប្រទេសសិង្ហបុរី បានត្រឹមតែ ១០៣ ពិន្ទុតែប៉ុណ្ណោះ ។ ដូច្នេះ ពិន្ទុរបស់គេលើសមធ្យមភាគនៃពិន្ទុរបស់មនុស្សពេញវ័យ ទៅទៀត។
គួរបញ្ជាក់ផងដែរថា ក្រោយពីមានកិច្ចសម្ភាសន៍ជាមួយនឹងក្រុមគ្រួសាររបស់ក្មេងប្រុសមួយនេះ ក៏បានបញ្ជាក់អោយដឹងដែរថា គេគឺជាក្មេងប្រុសម្នាក់ដែលចូលចិត្តអានសៀវភៅខ្លាំងណាស់ ជាពិសេសនោះគឺថា គេមានសមត្ថភាពខ្ពស់ ដោយគេអាចសរសេរអក្សរ ដោយដៃមួយណាក៏បាន ក្នុងចំណោមដៃរបស់គេទាំងគូរនោះ ។ ដើម្បីអោយជ្រាបកាន់តែច្បាស់ថាតើ ក្មេងប្រុសវ័យ ៤ ឆ្នាំរូបនេះ មានសមត្ថភាពយ៉ាងណានោះ សូមតាមដានទស្សនាវីដេអូ Clip ខាងក្រោមនេះ ទាំងអស់គ្នាណា៎ ៖
ដោយ ៖ មង្គលប្រភព ៖ edvantage