ទោះបីជា Justin Bieber ត្រូវបានលក់មុខជាមួយនឹងសំបុត្រផាកពិន័យដោយសារបើកបរហួសល្បៀនកាលពីប៉ុន្មានសប្ដាហ៍មុនក្ដីក៏គេនៅតែហេងជាងក្រុមអ្នកប្រម៉ាញ់រូបថត និងចុះពត៌មានបំភ្លើស Paparazzi ដែរព្រោះពួកនេះកំពុងតែរងគ្រោះយ៉ាងដំណំដោយសារត្រូវរដ្ឋអំណាចក្នុងតំបន់ប្ដឹងពីបទព្រហ្មទណ្ឌចំនួន ៤ ករណី។
ក្រុមអ្នកប្រម៉ាញ់រូបថតនេះត្រូវបានគេដឹងថាបានបើកបររថយន្ត Toyota Ray ក្នុងល្បឿនជាង ៨០ម៉ៃល៍ ក្នុងមួយម៉ោង ឬអាចលើសពីនេះ ដោយបើកបរដោយដៃម្ខាង ព្រោះដៃម្ខាងទៀតជាប់រវល់តម្រង់កាម៉េរា បានបើកប្រដេញជាមួយ និងរថយន្ត Chrome Fisker Karma របស់ JB អ្នកដទៃៗទៀតដែលនៅលើផ្លូវធ្វើដំណើរ ជាពិសេសគឺអ្នកដែលជិះម៉ូតូ ត្រូវជៀសគ្នាយ៉ាងប្រញ៉ាប់ព្រោះគេខ្លាចមានការបុកគ្នាជាមួយរថយន្តដែលប្រដេញតាមប្រម៉ាញ់រូបថតនេះ។អ្នកតាមប្រម៉ាញ់រូបថតមួយនេះត្រូវបានរដ្ឋអំណាចប្ដឹង ៣ ករណីដែលក្នុងនោះមានដូចជា ប្រដេញមនុស្សនៅតាមទីសាធារណៈក្នុងបំណងយកសិទ្ធិរបស់គេមកធ្វើអាជីវកម្ម ទី ២ គឹបើកបរមិនគោរពច្បាប់ ទី ៣ គឺមិនគោរពមន្រ្តីប៉ូលីស ហើយ ១ ករណីទៀតគឺត្រូវបាន ប្ដឹងដោយ JB ផ្ទាល់ដោយគេបានប្ដឹងអ្នកថតរូបម្នាក់នេះពីបទយាយីជីវិតឯកជនរបស់គេ។ ទាំង ៤ បទចោទនេះអាចធ្វើអោយPaparazzi ដេកគុកលេងរយៈពេល ១ ឆ្នាំ និងចាយលុយបង់ចូលរដ្ឋចំណួន ៣៥០០$ បានដោយមិនបាច់តវ៉ាច្រើន៕
ដោយ៖ ម៉ូកាប្រភពពី៖ Idolator