អ្នកនយោបាយម្នាក់របស់ប្រទេស ហ្វីលីពីន បានស្នើទៅកាន់សភា ឱ្យធ្វើការហាម Justin Bieber មិនឱ្យមកសំដែងនៅប្រទេសនេះ បន្ទាប់ពីតារាចម្រៀងរូបនេះ មាក់ងាយទៅលើកីឡាករប្រដាល់ Manny Pacquiao។
អ្នកនយោបាលម្នាក់របស់ប្រទេស ហ្វីលីពីន គឺលោកស្រី Carol Jane Lopez បានស្នើទៅកាន់ឱ្យសភាអនុម័ត នូវការសម្រេចមួយ ដែលហាមមិនឱ្យ Justin Bieber មកសំដែងនៅប្រទេសនេះ។
មូលហេតុដែលនាំឱ្យមានប្រត្តិកម្មបែបនេះ គឺដោយសារតែ កាលពីពេលថ្មីៗនេះ កំពូលតារាចម្រៀង Justin Bieber បានបង្ហោះរូបភាពមួយចំនួនតាមរយៈកម្មវិធី Instagram ដែលធ្វើឱ្យលោកស្រី Carol Jane Lopez យល់ថា ជាការប្រមាថមាក់ងាយដល់កីឡាករប្រដាល់ដ៏ល្បីឈ្មោះ គឺលោក Manny Pacquiao ។
បណ្ដារូបភាពដែលត្រូវបានកាត់តទាំងនេះ បង្ហាញថា Manny Pacquiao ដេកដួល នៅលើសង្វៀន ក្បែរតួអង្គមួយចំនួនដូចជា ស្ដេចរាជ Simba, Michael Jackson និង Mike Tyson ជាដើម។មិនតែប៉ុណ្ណោះ ថ្មីៗនេះ Justin Bieber ក៏ត្រូវបានគេរិះគន់ច្រើនផងដែរ ដោយសារតែកាយវិការបែបក្មេងស្ទាវរបស់ខ្លួន។ Justin Bieber ក៏ត្រូវគេថតបានសកម្មភាពអាក្រក់មួយ ខណៈដែលកំពុងចោលដបទឹកសុទ្ធមួយ នៅទីសាធារណៈ៕
ដោយ ៖ សីហាប្រភព ៖ DT