ថៃ ៖ Mint chalida គឺជាតារាសម្តែងមួយដួងក្នុងចំណោមតារាល្បីៗជាច្រើនដែលចូលចិត្តទៅដើរលេងនៅឯក្រៅ ហើយជាពិសេសគឺកន្លែងដែលពោរពេញទៅដោយទេសភាពស្រស់បំព្រង និងមានធម្មជាតិច្រើន ។ ប្រភពដដែលបានបន្តថា ថ្មីៗនេះនាងបានធ្វើដំណើរកំសាន្តនៅឯ New Zealand សម្រាប់វិស្សមកាលរបស់នាង ។
តារាស្រីវ័យ ២៥ ឆ្នាំរូបនេះបានធ្វើដំណើរទៅកាន់ Hobbits Movie Set ដែលជាកន្លែងថតរឿង ហើយទេសភាពនៅទីនោះពិតជាស្រស់ស្អាត ជាពិសេសនៅលើភ្នំ និងនៅទន្លេតែម្តង ។
តួស្រីក្នុងរឿង ល្ខោនវង្វេងរោង រូបនេះបានបន្ថែមទៀតថា នាងមានរឿងថ្មីដែលមានចំណងជើងថា Nauy Lub Salub Love ។ រឿងនេះនឹងចាក់បញ្ចាំងនៅលើកញ្ចក់ទូរទស្សន៍នៅចុងឆ្នាំ ២០១៨ នេះ ។ មិនត្រឹមតែប៉ុណ្ណោះ នាង Mint chalida និយាយថា នាងក៏មានរឿងថ្មីមួយទៀតមានចំណងជើងថា Fah Fak Ruk ដែលសម្តែងជាគូជាមួយនិងលោក Toey Pongsakorn ជាលើកដំបូង ៕
ប្រែសម្រួល ៖ គន្ធា
ប្រភព ៖ thaiupdate