ពិតជាល្អមើលមិនខាន បើបានទស្សនាខ្សែភាពយន្ដថៃទាំងនេះ នៅខែកុម្ភៈនេះ

ខាងក្រោមនេះ គឺជាខ្សែភាពយន្ដថៃ ដែលនឹងចាក់បញ្ចាំង នៅចុងខែកុម្ភៈ ឆ្នាំ ២០២១ នេះ៖

រឿង Girl 2K

ខ្សែភាពយន្ដបែបកំប្លែងថ្មីរឿង “Girl 2K” ដែលចូលរួមសម្ដែងដោយតារាល្បីៗដូចជា Aom Sushar, Toyy Pathompong, និង Off Jumpol នឹងចាក់បញ្ចាំង នៅថ្ងៃទី ១៧ កុម្ភៈ ឆ្នាំ ២០២១ នៅលើកញ្ចក់ទូរទស្សន៍ GMM 25 ។

រឿង Ku Kaen San Ruk

ខ្សែភាពយន្ដភាគថ្មី ដែលថតឡើងវិញរឿង “Ku Kaen San Ruk” ដែលចូលរួមសម្ដែងដោយ Mike Pattaradet និង Mookda Narinrak នឹងចាក់បញ្ចាំង នៅថ្ងៃទី ២១ ខែកុម្ភៈ ឆ្នាំ ២០២១ នៅលើកញ្ចក់ទូរទស្សន៍  Thai Channel 7 ។

រឿង Nabi, My Stepdarling

 ខ្សែភាពយន្ដភាគរឿង “Nabi, My Stepdarling” ដែលចូលរួមសម្ដែងដោយ  Joss Way-ar និង Fah Yongwaree នឹងចាក់បញ្ចាំងនៅថ្ងៃទី ២២ ខែកុម្ភៈ ឆ្នាំ ២០២១ ។

រឿង Piphob Himmaparn

លោក Louis Scott បានចាប់ដៃគូសម្ដែងជាថ្មីជាមួយនឹងតួស្រី Yam Matira នៅក្នុងខ្សែភាពយន្ដភាគបែបស៊ីវិល័យ ឆ្នាំ ២០២១ រឿង “Piphob Himmaparn” ។ នៅក្នុងខ្សែភាពយន្ដភាគនេះ កញ្ញា Yam Matira នឹងដើរតួជា នាង ‘Pim’ ដែលធ្វើដំណើរទៅព្រៃហេមពាន្ដ ដើម្បីស្វែងរក‘Ulgmanee’ ។ លោក Louis Scott សម្ដែងជាតួអង្គ ‘Krit’ ដែលបានរស់នៅ ក្នុងព្រៃហេមពាន្ដ ។ លោក បានជួយនាង ‘Pim’ ក្នុងការស្វែងរកវត្ថុ ដែលនាងចង់បាន ។ ខ្សែភាពយន្ដភាគនេះ នឹងចាក់បញ្ចាំង នៅថ្ងៃទី ២៦ កុម្ភៈ ឆ្នាំ ២០២១ នៅលើកញ្ចក់ទូរទស្សន៍ Thai TV3 ៕

 

ប្រែសម្រួល៖ សារ៉ាត

ប្រភព៖ Thaiupdate