នារីជនជាតិកូរ៉េខាងត្បូងម្នាក់ បានធ្វើឱ្យទស្សនិកជន មានការភ្ញាក់ផ្អើលជាខ្លាំង នៅពេលនាងបានបង្ហើបអំពីអាថ៌កំបាំងនៃការថែរក្សាសម្ផស្សដ៏ចម្លែករបស់ខ្លួន ដោយការប្រើប្រាស់ឆ្នាំងអ៊ុត។
ស្ដ្រីវ័យ ៣៣ឆ្នាំ មានមុខមាត់ និងស្បែក.សម៉ត់ ដូចនារីពេញក្រមុំ
ក្នុងកម្មវិធីទូរទស្សន៍មួយស្ដីអំពីរឿងចម្លែកនៅកូរ៉េខាងត្បូង នារីម្នាក់ដែលត្រូវបានគេអញ្ជើញឱ្យចូលរួមជាភ្ញៀវកិត្តិយស បានឧទ្ទេសនាមអំពីរបៀបនៃការថែសម្រស់របស់នាង។ នៅពេលគេមើលពីរូបរាងខាងក្រៅ នារីម្នាក់នោះ មានស្បែកមុខម៉ត់រលោង ស្រស់ស្អាត និងមិនមានស្នាមជ្រីវជ្រួញសូម្បីតែបន្ដិច។ នាងមានស្បែក.សខ្ចី គួរជាទីចង់បានសម្រាប់ស្ដ្រីគ្រប់រូប។ បើទោះជាមានអាយុ ៣៣ឆ្នាំហើយក្ដី ប៉ុន្ដែស្បែកមុខរបស់នាង មើលទៅដូចនារីវ័យ ២០ឆ្នាំ។
នារីកូរ៉េ និងឆ្នាំងអ៊ុតចំហាយទឹករបស់នាង
ប៉ុន្ដែ អ្នកដែលបានទស្សនា មានការភ្ញាក់ផ្អើលខ្លាំង ពេលនាងធ្វើការឧទ្ទេសនាម អំពីវិធីសាស្ដ្រថែសម្រស់ដោយការប្រើឆ្នាំងអ៊ុត ដើម្បីបំបាត់ស្នាមជ្រួញ។នារីម្នាក់នេះ ឱ្យដឹងថា ក្រៅពីប្រើប្រាស់ផលិតផលថែសម្រស់ និងម៉ាស្សា នាងក៏បានបង្កើតវិធីថ្មីមួយទៀត គឺប្រើឆ្នាំងអ៊ុតចំហាយទឹកដើម្បីបំបាត់ស្នាមជ្រួញនៅលើស្បែករបស់ខ្លួន។
ប្រើប្រាស់ចំហាយក្ដៅ ដើម្បីបំបាត់ស្នាមជ្រួញនៅលើស្បែក
នាងប្រើប្រាស់ឆ្នាំងអ៊ុតចំហាយទឹក អ៊ុតទៅលើស្បែកដែលមានស្នាមជ្រួញ ដូចជានៅលើផ្ទៃមុខ ដៃ គល់ក នៅត្រង់ពោះ ក្លៀក។ល។ នាងមិនបានប្រើប្រាស់កំដៅដូចទៅនឹងការអ៊ុតខោអាវនោះទេ ប៉ុន្ដែវាក៏ជាឆ្នាំងអ៊ុតធម្មតាដែលគេប្រើសម្រាប់អ៊ុតសម្លៀកបំពាក់។
ស្បែករបស់នាងម៉ត់រលោង និងមិនមានស្នាមជ្រួញ ប៉ុន្ដែសូមកុំធ្វើតាមនាងឱ្យសោះ
ទោះជាយ៉ាងនេះក្ដី ការអ៊ុតស្បែកខាងលើនេះ គឺមានគ្រោះថ្នាក់ខ្លាំងណាស់សម្រាប់ស្បែកដែលមានសភាពស្ដើងរបស់មនុស្ស ដូច្នេះកម្មវិធីទូរទស្សន៍ក៏បានព្រមានដល់ទស្សនិកជនទាំងឡាយ មិនឱ្យធ្វើតាមវិធីដ៏ចម្លែករបស់នាង។
ព័ត៌មានទាក់ទិនគួរចាប់អារម្មណ៍ផ្សេងទៀត
ស្រីស្អាត Go Jun Hee លេចធ្លោ ដោយ make-up ពណ៌ទឹកក្រូច(វីដេអូ)
តារាកូរ៉េខាងត្បូង Krystal F(x) បង្ហាញវិធីផាត់មុខ ដូចធម្មជាតិ (វីដេអូ)
ជ្រើសរើសពណ៌សម្លៀកបំពាក់ ឱ្យសមនឹង បបូរមាត់ក្រហម
ប្រែសម្រួលដោយ ៖ តារាប្រភព ៖ 24h