ក្រុម One Direction កាលពីថ្មីៗនេះបានចេញសម្ដែង Concert មួយឆាកនៅអង់គ្លេស ហើយអ្វីដែលគួរអោយចាប់អារម្មណ៍នោះគឺគេសង្កេតឃើញនាង Taylor Swift នៅឈរចាំក្រោយឆាក។ វាប្រាកដជាមិនមានអ្វីប្លែកនោះទេដែលនាង Taylor Swift ឈរចាំនៅខាងក្រោយឆាកនោះ គឺប្រាកដជាមកចាំមិត្តប្រុសរបស់ខ្លួនគឺ Harry Style ដែលជាសមាជិកក្រុម One Direction ហើយ។
មិនត្រឹមតែប៉ុណ្ណោះក្រោយពេលដែលចប់ការប្រគុំតន្រ្តីគេសង្កេតឃើញ Harry ប្រញ៉ាប់ប្រញ៉ាលក្នុងការចេញទៅ New York វិញទៀតផងដោយមានយន្តហោះផ្ទាល់ខ្លួន ខណៈដែលសមាជិកក្រុមដទៃកំពុងតែស្វាគមន៍ប្រិយមិត្ត។
មានប្រិយមិត្តជាច្រើនបានជជែកវែកញ៉ែកគ្នាលើប្រព័ន្ធ Internet ថានាង Taylor Swift កំពុងតែឈានទៅដូចនាង Yoko Ono ហើយដែលនាងគឺជាប្រពន្ធរបស់ John Lennon សមាជិកក្រុម The Beatlesដែលនាងបានធ្វើអោយក្រុម The Beatles ដ៏ល្បីល្បាត្រូវរំសាយដោយសារតែ John Lennon ឈប់ខ្វាយខ្វល់ពីក្រុមចម្រៀង The Beatles។ ចំពោះរឿង Taylor Swift យើងចាំមើលទាំងអស់គ្នាថាតើវានឹងទៅជាយ៉ាងណា៕
ដោយ៖ ម៉ូកាប្រភពពី៖ K14