ដោយសារតែសម្រស់ និងភាពប៉ិនប្រសព្វ របស់នាង Kanyaphak Phokesomboon ធ្វើឲ្យនាង បានទទួលជ័យលាភី នៅក្នុងកម្មវិធី Miss Thailand World 2013 ជាបវរកញ្ញាឯក របស់ប្រទេសថៃ ប្រចាំឆ្នាំ ២០១៣នេះ ដែលបានប្រារព្ធឡើងកាលពីថ្ងៃទី៩ ខែមេសា កន្លងទៅនេះ នៅមជ្ឈ-មណ្ឌល Centara Grand Bangkok Convention Centre ទីក្រុងបាងកក។
បវរកញ្ញាឆ្នាំ ២០១៣ របស់ថៃ ស្បែកសខ្ចី រាងស្រឡូនរូបនេះ មានអាយុ ២២ឆ្នាំ កម្ពស់ ១.៧០ម៉ែត្រ និងបន្តតំណាងជាបវរកញ្ញាឯកថៃ ចូលរួមប្រកួតក្នុងព្រឹត្តិការណ៍ Miss World 2013 ដែលនឹងប្រារព្ធឡើងនៅថ្ងៃទី២៨ ខែកញ្ញា ខាងមុខនេះ នៅទីក្រុង Bogor ប្រទេសឥណ្ឌូនេស៊ី ដោយមានបវរកញ្ញាមកពី ១១៣ប្រទេសចូលរួម៕
ដោយ ៖ LookingTODAYផ្តល់សិទ្ធិដោយ ៖ ដើមអំពិល