កំពូលតារាបង្ហាញម៉ូដ Raffaella Fico ពាក់ស្បែកជើងកែងយ៉ាងខ្ពស់ ស្លៀកឈុតហែលទឹកបង្ហាញរាងនៅក្នុងកម្មវិធីបង្ហាញម៉ូដសម្រាប់រដូវផ្ការីក និងរដូវក្ដៅ Milan 2013 ខណៈដែលខ្លួនកំពុងពរពោះ ៤ខែ។
បង្ហាញខ្លួននៅក្នុងកម្មវិធីបង្ហាញម៉ូដ Milan, Italy កាលពីថ្ងៃទី ២២កញ្ញា តារាបង្ហាញម៉ូដ Raffaella Fico បានធ្វើអោយមានការភ្ញាក់ផ្អើលយ៉ាងខ្លាំង នៅពេលនាងកំពុងពរពោះ ២ខែ។ ស្រីស្អាតអាយុ ២៤ឆ្នាំរូបនេះ បង្ហាញភាពសិចស៊ី ក្នុងឈុត bikini ដ៏ស្រស់ស្អាត ដែលស្ថិតក្នុងកម្រងឈុតហែលទឹករបស់ Pin-Up Stars ដែលជាយីហោផលិតផលមួយរបស់អ្នករចនាម៉ូដែល ជនជាតិ អ៊ីតាលី ឈ្មោះ Jerry Tommolini។
គេបានដឹងថា កំពូលតារា Raffaella Fico និងតារាបាល់ទាត់អ៊ីតាលី លោក Mario Balotelli កាលពីខែមេសាកន្លងទៅ បានចែកផ្លូវគ្នាទៅហើយ។ Mario Balotelli ត្រូវបានគេមើលឃើញថា ជាឪពុករបស់ទារកក្នុងផ្ទៃនេះ ប៉ុន្ដែតារាបាល់ទាត់រូបនេះបានថ្លែងថា ខ្លួនត្រូវការអោយ Raffaella ពិនិត្យ ADN មុនពេលខ្លួនត្រូវទទួលខុសត្រូវចំពោះកូនក្នុងផ្ទៃ។
នៅក្នុងកិច្ចសម្ភាសមួយ Mario Balotelli បានរិះគន់ Raffaella ថា បាននាងមិនបានផ្ដល់ព័ត៌មានស្ដីពីការមានផ្ទៃពោះនេះទេ។ តារាបាល់ទាត់វ័យ ២១ឆ្នាំនេះ ថ្លែងថា ៖ ខ្ញុំមានអារម្មណ៍ថា មិនសប្បាយចិត្តនោះទេ នៅពេលនាងបានឆ្លៀតឱកាស រកប្រាក់ពីរឿងមានផ្ទៃពោះនេះ ដោយនាងបានលក់រូបថត និងកិច្ចសម្ភាសនានារបស់នាង។
Raffaella Fico បានឆ្លើយតប់ទៅនឹងសំដីរបស់ Mario Balotelli ដោយសំបុតមួយផ្សាយនៅលើទស្សនាវដ្ដី អ៊ីតាលី នាងថ្លែងថា ៖ ខ្ញុំកំពុងទន្ទឹងរង់ចាំការចាប់កំណើតរបស់ទារកក្នុងផ្ទៃដោយបេះដូងរបស់ខ្ញុំ ព្រោះគេជាលទ្ធផលនៃក្ដីស្នេហ៍រវាងយើងទាំងពីរនាក់ នាងនិយាយបែបនេះគឺចង់សំដៅទៅលើ Mario Balotelli និងរូបនាងដែលបានរស់នៅជាមួយគ្នាក្នុងពេលកន្លង៕
ដោយ ៖ សូរីយ៉ាប្រភព ៖ NS