បារំាង៖ តាមការអោយដឹងពីគេហទំព័រដេលីមែល កាលពីព្រឹកថ្ងៃ ១៩ កញ្ញានេះថា ក្រុមតារាចម្រៀងស្រី 'Le Crazy Horse' របស់ប្រទេសបារាំង នឹងមកធ្វើការសម្ដែងក្នុងប្រទេសអង់គ្លេសក្នុងសប្ដាហ៍នេះ។
ប្រភពខាងលើបានអោយដឹងថា 'Le Crazy Horse' គឺជាក្រុមចំរៀងមួយ ដែលត្រូវបានបង្កើតឡើង ក៏ដូចជាមានប្រជាប្រិយភាពយ៉ាងខំា្លង ក្នុងប្រទេសបារាំងរយៈពេល ៦០ឆ្នាំមកហើយ។ឈ្មោះក្រុមច្រៀងនេះ ក៏ដូចជាអ្នកចម្រៀងគ្រប់ជំនាន់ទាំងអស់ ត្រូវបានដក់ជាប់ ក្នុងចិត្ដនៃជនជាតិបារាំងគ្រប់ស្រទាប់មនុស្សទាំងអស់។ ពេលខ្លះជាតិសាសន៏ដ៏ទៃ បានយល់ថា វាជារឿងព្រេងបុរាណដ៏ល្អមួយ ដែលបានបន្សល់ទុក ក្នុងប្រទេសបារំាងតាំងពីយូរលុងណាស់មកហើយ។
ការមកសម្ដែងនៅប្រទេសអង់គ្លេសនេះទៀតសោត គឺក្រោមការអញ្ជើញពីប្រជាជនអង់គ្លេស ក៏ដូចជាប្រជាជាជនបារាំងជាច្រើននាក់ ដែលរស់នៅក្នុងប្រទេសអង់គ្លេស ដែលចង់មើល និងឃើញនូវតារាចម្រៀងរបស់ខ្លួន។ ទោះបីជាយ៉ាងណាក៏ដោយ គេសង្ឃឹមថា ក្រុមតារាចម្រៀងនេះ នឹងអាចទាក់ទាញទស្សនិកជន នៅប្រទេសអង់គ្លេសបានច្រើន ហើយព្រមទាំងទទួលបាននូវការពេញចិត្ដ ពីសំណាក់យុវវ៏យផងដែរ។ នេះជាវីដេអូក្លីបខ្លីមួយ (Teaser) ដែលបង្ហាញដោយក្រុម Le Crazy Horse ។ សូមចុចដើម្បីមើល៕
ដោយ៖ នារីប្រភព៖ dailymail