ទឹកជ្រោះកាចាញ គឺជាតំបន់កំសាន្តធម្មជាតិ ដែលមានទីតាំងស្ថិតនៅឃុំកាចាញ ស្រុកបានលុងខេត្តរតនគិរី។ ទឹកជ្រោះកាចាញ មានចម្ងាយ ៦គីឡូម៉ែត្រ ពីក្រុងបានលុង ហើយទឹកជ្រោះនេះមានកម្ពស់ ១២ម៉ែត្រ ដែលហូរគ្មាន ទីបញ្ចប់តាមបណ្ដោយ អូរកន្ទាង ទៅទន្លេស្រែពក ក្នុងស្រុកលំផាត់។
យើងហៅទឹកជ្រោះ កាចាញ ដោយសារហៅតាមក្រុមកុលសម្ព័ន្ធជនជាតិភាគតិចគ្រឹងក្នុងភូមិកាចាញ។ នៅក្នុងចំណោមអូរ និងការដាំដំណាំកៅស៊ូ ទឹកជ្រោះកាចាញផ្ដល់ជូននូវទេសភាពដ៏ស្អាតអស្ចារ្យ សម្រាប់ទេសចរ។ គេអាចទៅ ដល់បាតស្ទឹងបាន ដោយជណ្ដើរឈើ ដែលមានប្រហែល៧២កាំ។ នៅលើកំពូលចំហៀង នៃទឹកជ្រោះ មានដើមឈើធំៗ បែកមែកសាខាបង្កើតជាម្លប់យ៉ាងត្រជាក់ ពីលើទេសចរសម្រាប់ ពិសាអាហារពិកនិក។ នៅត្រើយម្ខាងទៀត នៃស្ទឹង មានជណ្ដើរ ដែលកសាងក្នុងឆ្នាំ ១៩៩៨សម្រាប់ទេសចរឡើងជិះលើខ្នងដំរី និងរីករាយដោយការជិះដំរី៕
សូមទស្សនា រូបភាព ខាងក្រោម
ដោយ៖ វណ្ណៈប្រភព៖ tourismcambodia