ថ្មរូង ជារមណីយដ្ឋានធម្មជាតិមួយ ដ៏ស្រស់ត្រកាល ដែលមានទីតាំងស្ថិតនៅក្នុង ភូមិព្រៃប្រសិទ្ធិ៍ ឃុំបាក់រទេះ ស្រុកកំពង់សិលា ខេត្តកោះកុង នៅក្បែរចំណុចប្រសព្វ រវាងខេត្តកោះកុង និង ខេត្តកំពង់ស្ពឺ ក្នុងប្រទេសកម្ពុជា។
រមណីយដ្ឋានធម្មជាតិថ្មរូង ជាតំបន់ទេសចរណ៍មួយ ដែលសម្បូរណ៍ ទៅដោយបរិយាកាសធម្មជាតិ ស្រស់ស្អាត ជាច្រើន ដូចជា៖ ព្រៃភ្នំ ទឹកធ្លាក់ សត្វបក្សាបក្សី និង កន្លែងសំរាកទទួលទានអាហារ នៅជាប់មាត់ទឹក ដ៏ទាក់ទាញ។
ភ្ញៀវទេសចរណ៍ ចូលចិត្តទៅកំសាន្តនៅតំបន់នេះ រីករាយជាមួយនឹងការហែលទឹក ដើរកំសាន្តជុំវិញថ្មរូង ទទួលទានអាហារជុំគ្នាជាមួយក្រុមគ្រួសារ និង មិត្តភក្តិ ស្រូបយកខ្យល់អាកាសបរិសុទ្ធ និង ថតរូប៕
សូមទស្សនា រូបភាពខាងក្រោម!!!
ដោយ៖ វណ្ណៈ