ថៃ៖ តាមការអោយដឹងពីគេហទំព័រដេលីមែល ជាគេហទំព័រ ដែលមានការផ្សព្វផ្សាយទំលំទូលាយ នៅលើពិភពលោក កាលពីពេលថ្មីៗនេះថា ព្រះសង្ឃពីរ បីអង្គនៅប្រទេសថៃឯណ្ណោះវិញ ត្រូវបានក្រុមពុទ្ធបរិស័ទ ដែលជាអ្នកាន់សាសនាព្រះពុទ្ធ បានធើ្វការរិះគន់ យ៉ាងខ្លាំង ខណៈដែលព្រះសង្ឃទាំងនោះ បានបង្ហាញនូវជីវិត ដែលមានលក្ខណៈសម្បូរបែបខ្ពស់ពេក។
ប្រភពខាងលើបានបន្ដថា ការរិគន់នេះ បានកើតឡើង នៅពេលដែលរូបព្រះសង្ឃ ដែលជាសង្ឃកាន់សាសនាព្រះពុទ្ធទាំងនោះ បានជិះលើយន្ដហោះ ហើយដែលជាយន្ដហោះផ្ទាល់ខ្លួនទៀតផង (Private jet)។ មិនតែប៉ុណ្ណោះ ព្រះសង្ឃនៅមាន សម្ភារទំនើបៗ ដូចជា Ipods ជាដើម។
លោក Nopparat Benjawatannun មន្រ្ដីផ្នែកព្រះពុទ្ធសាសនា នៃប្រទេសថៃ បាននិយាយថាព្រះសង្ឃទាំងនោះ ទំនងជាព្រះសង្ឃដែលគង់ស្នាក់នៅវត្ដ Khantitham ខេត្ដ Sisaket។លោក Nopparat បានបន្ថែមថា តាមពិត ព្រះសង្ឃមិនគួរណាធ្វើបែបនេះទេ ឬក៏មានសម្ភារៈ ប្រើប្រាស់ទំនើបបែបនេះឡើយ ដែលនេះ វាហាក់បីដូចជាខុសចាកពីអី ដែលព្រះពុទ្ធនៃយើងបានបង្រៀន។
ទោះបីជាយ៉ាងណាក៏ដោយ អាជ្ងាធរនៃប្រទេសថៃ នឹងធ្វើការស្រាវជា្រវ និងស៊ីបអង្កេតុពីរឿងនេះ អោយបានដឹងច្បាស់ជាងនេះផងដែរ ថាតើ ជាព្រះសង្ឃទាំងនោះ មានប្រាក់មកពីណាទិញរបស់របរទំនើបបែបនេះ៕
ដោយ៖ រដ្ឋាប្រភព៖ dialymail