កាលពីថ្ងៃទី ១២មករា កន្លងទៅ រាត្រីផ្ដាច់ព្រ័ត្រនៃការប្រកួតបវរកញ្ញាអាមេរិក ឆ្នាំ ២០១៣ ត្រូវបានធ្វើឡើងនៅតំបន់លំហែកាយ Planet Hollywood, Las Vegas ដោយមានបេក្ខនារីចំនួនជាង ៥០ នាក់បានចូលរួម។ រាត្រីនេះ គេបានរកឃើញស្រីស្អាតជាងគេ គឺនាង Mallory Hytes Haganអាយុ ២៣ឆ្នាំ មកពី Brooklyn, New York។ ចំណែកតំណែងបវរកញ្ញាលេខពីរ និងលេខបី បានទៅលើស្រីស្អាតមកពីរដ្ឋ South Carolina គឺនាង Ali Rogers និង នាង Alicia Clifton មកពីរដ្ឋ Oklahoma ។
Mallory ត្រូវបានគេសរសើរថា ជាបេក្ខនារីដែលមានចំណេះដឹង និងសំដែងបានល្អបំផុត។ នៅពេលត្រូវបានសួរពីបញ្ហាអំពើហិង្សាដែលទាក់ទឹននឹងសាលារៀន ដែលកំពុងកើតមានឡើងនៅអាមេរិក ៖ តើអ្នកយល់យ៉ាងណាចំពោះការបំពាក់អាវុធក្នុងសាលារៀន?។ Mallory ឆ្លើយថា ៖ ប្រទេសមួយដែលមានសន្ដិភាព មិនគួរប្រើហិង្សា ទប់ទល់នឹងហិង្សានោះទេ។ទោះជាបែបនេះក្ដី បន្ទាប់ពីត្រូវបានគេជ្រើសរើសជាបវរកញ្ញាឯកអាមេរិក ២០១៣ ស្រីស្អាតរូបនេះក៏ទទួលរងនូវការរិះគន់ពីសាធារណជនយ៉ាងច្រើន។ មនុស្សមួយចំនួនយល់ថា Mallory មានរូបរាងធាត់ និងមិនគួរឱ្យចាប់អារម្មណ៍ នៅពេលនាងសំដែងក្នុងឈុតប៊ីគីនី។ ចំណែកជើងទាំងពីរបស់នាងក៏ធំៗ ហើយក្បាលពោះក៏សម្បូរខ្លាញ់ផងដែរ។ រីឯផ្ទៃមុខរបស់ Mallory ក៏ហាក់ដូចជាចាស់ជាង បើធៀបនឹងអាយុ ២៣ឆ្នាំរបស់នាង។
ដោយ ៖ សីហាប្រភព ៖ k14