បន្ទាប់ពីមានវិបត្តិមនោសញ្ញេតនា និងក្រោយពេលនគរបាលចរាចារណ៍បានពិន័យ កំពូលតារាចម្រៀងវ័យក្មេង Justin Bieber បានប្ដូរមកជិះម៉ូតូវិញម្ដង។
Justin Bieber ត្រូវបានក្រុមអ្នកប្រមាញ់រូបថត ប្រទះឃើញជិះម៉ូតូប្រភេទទំនើប ក្នុងល្បឿនលឿន ឆ្លងកាត់តំបន់ Beverly Hills និងផ្លូវហាយវេ កាលពីពេលថ្មីៗនេះ បន្ទាប់ពីបានចែកផ្លូវជាមួយនឹង Selena Gomez និងក្រោយការបើកបររថយន្ដមិនគោរពច្បាប់ចរាចរណ៍ ត្រូវនគរបាលពិន័យ។
ប្រភពព័ត៌មានបានអោយដឹងថា ជាមួយនឹងឈុតសម្លៀកបំពាក់កីឡាពណ៌ខ្មៅ និងម៉ូតូប្រភេទធំ Justin Bieber ហាក់ដូចជាកំពូលអ្នកប្រណាំងដូច្នោះដែរ។ ទោះជាយ៉ាងណាក៏ដោយ មានអ្នកខ្លះនិយាយថា នេះគឺជាសកម្មភាពមួយរបស់តារារូបនេះ ដើម្បីបំបាត់ទុក្ខមនោសញ្ចេតនា។ ប៉ុន្ដែ អ្នកខ្លះបែរជានិយាយថា នេះគ្រាន់តែជាការដោះស្រាយបញ្ហាគ្មានមធ្យោបាយធ្វើដំណើរប៉ុណ្ណោះ ដោយសារតែ Justin Bieber ត្រូវនគរបាលពិន័យ ដោយដកប័ណ្ណបើកបរ។
នៅក្នុងពេលជាមួយគ្នានេះដែរ នៅឯ Dallas គេបានឃើញ Selena Gomez កំពុងមានក្ដីរីករាយយ៉ាងខ្លាំង ហាក់ដូចគ្មានរឿងអ្វីកើតឡើង ផ្ទុកពីការស្មានរបស់អ្នកគាំទ្រ។
ដោយ ៖ សីហាប្រភព ៖ k14