Diana Pang ធ្លាប់ដណ្ដើមបានតំណែងជាបវរកញ្ញាឯកចិន នៅអាមេរិក។ នាងធ្លាប់ត្រូវបានគេចាប់អារម្មណ៍ច្រើន ដោយសារតែសម្រស់ និងភាពទាក់ទាញរបស់នាង។
Diana Pang (彭丹) គឺជាអ្នករបាំ និងអ្នកសំដែងជនជាតិចិនហុងកុង។ នាងកើតនៅថ្ងៃទី ១០តុលា ឆ្នាំ ១៩៧២ នៅ Changsha, Hunan ។
Diana Pang ធ្លាប់ជាសមាជិករបស់ក្រុម Beijing Ballet Troupe រយៈពេល ៣ឆ្នាំ(១៩៩០)។ នាងបានមកនៅសហរដ្ឋអាមេរិក កាលពីឆ្នាំ ១៩៩០ ហើយនាងក៏បានចូលរៀនផ្នែករបាំបាឡេ នៅឯមហាវិទ្យាល័យ Dance Faculty of Juilliard School នៅក្នុងទីក្រុង New York។ ក្រោយមក នាងដណ្ដើមបានតំណែងបវរកញ្ញាឯកចិន ប្រចាំនៅអាមេរិក។
បន្ទាប់មក នាងបានត្រឡប់មកកាន់ប្រទេសចិនដីគោក និងបានចូលរួមសំដែងក្នុងខ្សែភាពយន្ដរឿង Chinese Chocolate (១៩៩៤) រួចក៏មកកាន់ហុងកុង ជាកន្លែងដែលនាងធ្លាប់បានសំដែងក្នុងភាពយន្ដក្ដៅសាច់ជាច្រើនរឿង ប៉ុន្ដែនាងមិនធ្លាប់បានសំដែងឈុតឆាក អាក្រាតកាយទាំងស្រុងនោះទេ។
ខ្សែភាពយន្ដដែល Diana Pang (彭丹) ធ្លាប់បានចូលរួមសំដែង មានដូចជា The Saint of the Gamblers , Hong Kong Spice Gals , Loving Girl និង Hong Kong Show Girls ។ល។
ប៉ុន្មានឆ្នាំចុងក្រោយនេះ Diana Pang (彭丹) បានចូលរួមសំដែងជាបន្ដបន្ទាប់ ប៉ុន្ដែ ឈ្មោះរបស់នាងហាក់ដូចមិនត្រូវបានគេស្គាល់ច្រើនដូចមុន៕
ដោយ ៖ សូរីយ៉ាប្រភព ៖ NS